Villi Frooge won ich jo no haa (Tabeldi Tabeldo) Rääge Gwitter und Sturm Droim in der Nacht d Sunne wo lacht Ich bii non es Chind wo villes will wüsse wär hed das gmacht Bletter grüen an de Boim s hed villi Faarbe der Himmel isch blau Fisch sinn im Wasser d Mensche an Land ich wird nit schlau Villi Frooge won ich jo no haa läbt uf em Mond e chlyyne Maa Wo goot denn d Zytt hii zmitts in der Nacht wär moolt die Räägebooge-Bracht Vo wo chömme die Droim wenn ich schloof dieff in der Nacht Wieso isch me druurig und denne bassiert s dass me wider lacht Zeerscht kalt und denne häiss isch das normal ich froog mi wieso Und s längt mir nit wenn s Mammi säit s isch äifach esoo Villi Sache won ich gar nit wäiss wieso isch d Sunne so fescht häiss Hänge d Stäärne am Himmelszält wieso git s mii uf deere Wält Ich glaub s macht alles Sinn jedes chlyy Wunder hed sy Grund Bäärge voll Schnee d See sinn blau und d Blueme sinn bunt